Пожар избувнал попладнево околу 17 часот во близина на железничкиот премин во село Черкези кај Куманово, а според првичните податоци од Регионалниот центар за управување со кризи Куманово, горат прагови за железничка пруга.

Од СВР Куманово велат дека од 17.40 часот железничкиот сообраќај на пругата Куманово-Табановце е во прекин. Причината за пожарот не е позната.

Повеќе противпожарни екипи од кумановската единица се на терен и се обидуваат да го локализираат пожарот.

Од повисоките места во Куманово може да се забележи густ чад од ова место.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.