Вчера полициски службеници од Eдиницата за недозволена трговија со дрога и оружје при СВР Скопје ја лишиле од слобода М.Л.(36) од Скопје, затоа што при претрес во нејзиниот дом во населбата Карпош била пронајдена и одземена марихуана.

Во 19.15 часот, полициски службеници од СВР Скопје на подрачјето на Бит пазар го лишиле од слобода Е.Ш.(31) од Скопје, затоа што при извршен преглед кај него била пронајдена марихуана. Исто така во 16.15 часот, полициски службеници од СВР Скопје на ул.„Михаил Чаков“ ги лишиле од слобода А.Г.(26) и А.П.(28), двајцата од Скопје, затоа што при извршен преглед кај нив била пронајдена марихуана.

Околу 12.00 часот, полициски службеници од СВР Скопје на подрачјето на Гази Баба го лишиле од слобода И.П.(27) од Скопје, затоа што при извршен преглед кај него била пронајдена марихуана. И во Тетово околу 21.20 часот во тетовско Непроштено, полициски службеници на СВР Тетово ги лишиле од слобода И.Р.(21) и три малолетни лица од тетовски Порој, затоа што при нивен и преглед на патничко возило „пежо“, со скопски регистарски ознаки, во кое се превезувале, била пронајдена марихуана.

Четворицата задржани се во Полициската станица Тетово. По целосно документирање на случајот против нив ќе бидат поднесени соодветни поднесоци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.