Пазарната инспекција минатата недела поднела три кривични пријави поради измами со ваучерите за туризам, објави Сител ТВ.

Станува збор за три објекти, две во Охрид – Градиште 1 и Градиште 2, и еден во Струга, но има неколку сомнителни случаи кои дополнително ќе се проверуваат. Од Пазарниот инспекторат најавуваат засилување на инспециските надзори во текот на оваа недела.

Лицето на чие име гласи ваучерот мора да биде присутно во сместувачкиот објект и да биде заверено во книгата на гости. Меѓутоа, пазарните инспектори не можат да ги идентификуваат гостите за да докажат дали навистина тоа лице е сместено во објектот или прилежена е само копија од неговата лична карта.

До денеска, искористени се 7013 ваучери, најголем дел во Охрид и во Струга. Досега издадени се над 95.000 ваучери.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.