Вчера во стан на улица „Јанко Цветинов“ во Струмица биле пронајдени остатоци од човечки труп.

Веста за МИА ја потврдија и од полицијата и од Основното јавно обвинителство Струмица.

Од СВР Струмица информираа дека вчера било пријавено дека во станот бил пронајден човечки труп. Бил извршен увид, а по наредба на јавен обвинител телото било дадено на обдукција.

Од Основното јавно обвинителство потврдија дека биле пронајдени остатоци од човечки труп. Оттаму повеќе информации за идентитетот на лицето и можните причини за смртта најавуваат по завршувањето на обдукцијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.