Обвинителството ќе бара притвор за 22-годишниот Ј.Ѓ. кој вчера со својот џип смртно ја прегази 24-годишната Викторија од Радовиш, објави „А1он“. Тој ќе биде спроведен во Кривичниот суд, пред судија на истражна постапка.

Возачот се товари за тешки дела против безбедноста во сообраќајот со смртни последици. Судот може да определи притвор до најмногу 30 денови, бидејќи според тежината на делото, возачот ќе се гони во редовна постапка.

Возачот сѐ уште се наоѓа во Обвинителството каде што беше извршен распит од обвинител. 22-годишникот цела ноќ ја помина во полициска станица.

Во меѓувреме, второто повредено лице, момчето на 24-годишната Викторија е пуштен на домашно лекување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.