Од 1. Мај 2020 година кога стапи на сила владината уредба за задолжително носење заштитни маски на лицето за превенција од ширење на корона вирусот, во тетовско досега се изречени 3.676 казни со платни налози за прекршување на оваа уредба.

Како што информираат од СВР Тетово, согласно уредбата, сите граѓаните кои добиле таков платен налог платиле по 20 евра во денарска противвредност. Тоа се вкупно 73.520 евра платени казни од граѓаните.

Секторот за внатрешни работи Тетово неделава значително ги засили контролните активности кои се однесуваат на користење заштита на лицето во возила, патнички, комбиња и автобуси, а кои континуирано се реализираат неколку месеци наназад. На сите кои не ја почитуваат, односно не се придржуваат на владината Уредба со која се регулира задолжителното носење на заштита на лицето, на начин и место утврдени со истата, им се изготвуваат поднесоци.

Секторот за внатрешни работи Тетово им укажува на возачите и другиот работен персонал во комбиња или автобуси стрикно да се придржуваат на Уредбата за која станува збор и да не превезуваат лица без заштитни маски, но и повеќе од максимално дозволениот број на патници. Во спротивно возилата ќе бидат исклучувани од сообраќај и ќе им се изготват поднесоци, не само на физички, туку и на правните лица.

Според статистиката на Секторот за внатрешни работи Тетово, во текот на изминатото деноноќие бичле казнети 34 луѓе за неносење заштитни маски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.