На автопатот Гевгелија – Скопје, после клучка Смоквица, изутрината во 02.10 часот полициски службеници од Полициската станица за граничен премин и граничен надзор Богородица, во товарно возило „цитроен џампер“ со кумановски регистарски ознаки пронашле 20 мигранти.

Како што информираа од МВР, полициските службеници дале знак за запирање на товарно возило „цитроен џампер“ со кумановски регистарски ознаки, при што возачот го напуштил возилото.

– При преглед во возилото биле пронајдени 20 лица мигранти (18 лица од Конго, 1 лице од Камерун и 1 лице од Авганистан). Мигрантите биле сместени во прифатно-транзитен центар за понатамошна постапка, а за настанот бил известен јавен обвинител, се наведува во соопштението.

По целосно расчистување и документирање на случајот ќе биде поднесена соодветна пријава.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.