Едно лице утрово е потешко повредено во сообраќајна несреќа во која учествувале три возила, што се случила на една од попрометните улици во Гостивар.

Од гостиварската полиција потврдија дека околу 7:30 на улицата „Беличица“ дошло до судир на три возила „фиат чинквеченто“ управуван од Е.Р. (31), „бмв“ управуван С.Ш. и паркирано транспортно возило „ивеко“.

Од првичните сознанија, возачот на „фиатот“ со тешки телесни повреди бил пренесен во гостиварската Општа болница „Ферид Мурад“ каде е згрижен.

На местото на настанот увид извршила екипа од ОВР Гостивар, по што ќе се утврдуваат причините кои доведоа до сообраќајката.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.