Автомобил „мерцедес 220“ со швајцарска регистрација изгоре на автопатот Куманово – Скопје кај Агино село, соопштија од кумановската полиција. Случајот бил пријавен десет минути пред пладне.

Полицијата извршила увид и констатирала дека возилото се запалило во движење.

Автомобилот го управувал 70-годишниот човек од кумановско Лопате, кој се движел кон Скопје. При возењето заблежал густ црн чад под хаубата. Застанал на десната страна од коловозот и заедно со сопатничката излегле надвор. За кратко време автомобилот целосно изгорел.

Истрагата на полицијата ќе ги покаже причините за опожарувањето на возилото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.