Личните документи (лични карти и пасоши) на кои им истекол рокот ќе имаат продолжено важење за времетраење на вонредната состојба воведена поради коронавирусот.

За продолжување на важноста Владата донесе уредба која има сила на закон, потсети техничкиот премиер Оливер Спасовски во врска со прашањата од граѓани кои имаат истечени документи или закажани термини за вадење нови, а поради ограниченото движење се оневозможени да одат во службите.

Во овој период граѓаните да не се оптоваруваат, ниту да се вознемируваат поради тоа што им истекува важноста на некој од документите. Поважно е да го зачуваат своето здравје, поважно е да не придонесат за ширење на вирусот, рече Спасовски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.