Синоќа околу 19:20 часот кај наплатната станица Демир Капија, полициски службеници од Полициската станица за граничен надзор Михајлово го лишиле од слобода Ф.А.(40) од Куманово,.

Тој бил лишен од слобода затоа што при контрола на патничко возило „фолксваген туран“ со кумановски регистарски ознаки, кое го управувал, биле пронајдени седум лица – мигранти од Куба. По преземени мерки, било утврдено дека лицата илегално влегле во Република Македонија – информира портпаролот на СВР Велес, Верољуб Додевски.

Тој додаде дека тие биле пренесени во Прифатниот центар Винојуг во Гевгелија за понатамошна постапка.

По целосно документирање на случајот, против Ф.А. ќе биде поднесена соодветна пријава – информира Додевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.