Пратеникот од ВМРО-ДПММНЕ Иван Јорданов поднесе кривична пријава против градоначалникот на Штип за основано сомнение за извршено влијание и сторен криминалпри неодамнешното склучување на договор за наплата на паркинг во општина Штип по пат на СМС.

Она што можевме да го кажеме на претходната прес конференција, а денес го елаборираме на граѓаните е превисоката проценета вредност на склучениот договор и еве за јавноста ќе приложам еден договор од една соседна општина Кочани, која за ист таков договор со друго претпријатие, односно друга компанија која што наплаќа паркинг по пат на СМС, наплатило, односно склучило договор во цена од 150.000 денари. 

За разлика од општина Кочани и јавното претпријатие во општина Кочани, општина Штип на чело со градоначалникот Сашко Николов склучило договор на проценета вредност од 3.500.000 денари. Ако ја погледнете неговата изјава дека во општина Штип се планираат зголемени паркинг места, можете да заклучите дека станува збор за манипулативен одговор, затоа што општина Кочани со три пати помалку паркинг места склучила договор за само 150.000 денари, рече Јорданов на денешната прес-конференција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.