Ден по грозоморното убиство, крим-техничари се уште собираат докази од семејната куќа на улицата „Антон Димитров“ во скопско Драчево, во која дваесетгодишно момче ја усмрти баба си. Момчето во моментов е во полициска станица, сè уште не му е одредена мерка притвор, објави телевизија Алфа.

Од Основното јавно обвинителство информираа дека се прибираат материјалните и вербалните докази и дека телото на почината е предадено на обдукција.

Соседите шокирани, велат не очекувале дека некогаш, мирното и повлечено момче од крајот на улицата, би можело да стане убиец, но, се сомневаат дека користело наркотици, а коментираат дека постои можност да било дел од секта.

Според извори на Алфа, дваесетгодишното момче неколку пати престојувало во психијатриската болница во Бардовци.

Вчера попладне дваесетгодишникот со нож и ја отсекол главата на неговата 66-годишна баба, а според информациите од МВР, по убиството сам ѝ се предал на полицијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.