Приведен е жител на село Мешеишта во Дебрца поради сомневање дека опожарил две патнички моторни возила, сопственост на припадници на Шумската полиција.

Според СВР – Охрид, 33-годишниот мешеиштанец се сомничи дека предизвикал пожар во две патнички моторни возила, едното „Мерцедес“ со охридски регистарски ознаки, сопственост на жител од селото Лешани и „Санг јонг корандо“, сопственост на лице од селото Требеништа, двајцата вработени во Шумска полиција Охрид.

Екипи на Територијалната противпожарна единица од Охрид интервнерирале и ги угаснале опожарените возила при што е причинета само материјална штета. По целосно документирање на случајот ќе биде поднесена соодветна пријава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.