И таткото на петгодишното девојче што во средата вечерта се удави во базен во населбата Злокуќани, заврши во болница. Бил итно хоспитализиран откако ја разбрал веста за смртта на своето малечко, заради сериозно влошена здравствена состојба по стресот што го доживеал.

МВР работи на целосно расчистување на случајот.

Инаку во полицискиот извештај не се наведуваат деталите за трагичниот настан кој, според полицијата, се случил во средата околу 21.10 часот. Тогаш било пријавено дека во базен на угостителски објект во Скопје паднало петгодишно девојче, кое со возило на Итна медицинска помош било пренесено во Ургентниот центар при комплексот клиники „Мајка Тереза”.

Вчера наутро, во 08.30 часот детето починало.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.