Гранати и муниција се пронајдени во близина на струшкото село Калишта.

На нива меѓу селата Франгово и Калишта, полицијата денеска пронашла муниција, гранати и рачни фрлачи (РПГ).

Оружјето е пронајдено напладне, по претходно собрани оперативни сознанија.

Денеска околу 12 часот во нива меѓу селата Франгово и Калишта, струшко, по оперативни сознанија пронајдена е разновидна муниција, гранати и РПГ – информира портпаролот на СВР Охрид Стефан Димовски.

Од полицијата информираат дека во координација со обвинителството се работи на расчистување на случајот.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.