Ерменската новинска агенција Ерменпрес ја пренесува веста за апсењето на дипломатот во македонското МНР Миле Миленкоски.

Миленкоски, заменик-шеф на македонската мисија во ОБСЕ, беше уапсен на 27 август во обид да влезе во Македонија од Србија, преку преминот Табановце од страна на српските власти. Подоцна беше уапсен и негов соучесник, исто така дипломат од МНР, кој дошол по него во Врање.

Двајцата дипломати, заедно со трет соучесник, се сомничат дека во 2018 година му помогнале на Левон Саргасјан, брат на поранешниот ерменски претседател Серж Саргасјан, да побегне од земјата и покрај тоа што за него се водела истрага за проневера на големи суми пари. Македонските дипломати наводно регистрирале лажна невладина организација и изнајмиле приватен авион да го изнесат Левон Саргасјан од земјата, пишуваат македонските медиуми.

Левон Саргасјан бил именуван за амбасадор за специјални задачи за време на претседателскиот мандат на неговиот брат. Под актуелниот премиер Никол Пашињан, Левон Саргасјан бил обвинет за земање мито од шпанска компанија која добила голем градежен проект во Ерменија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.