Педесетгодишен жител на Доброште го загуби животот, а едно женско лице со сериозни телесни повреди е префрлено на скопските клиники по тешката сообраќајна несреќа што околу 17 часот и 40 минути се случила на регионалниот пат Тетово – Јажинце, во близина на крстосницата за влез во селото Доброште, информираа од СВР Тетово.

Според нивните првични податоци, во несреќата учествувале патничко возило „голф“ и трактор.

Покрај загинатиот и повредената, во сообраќајката е оштетено уште едно паркирано возило во близина.

Увид на местото на несреќата вршат полицијата и јавен обвинител, а сообраќајот се пренасочува преку селото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.