По вчерашното приведување на 69-годишник во тетовско Доброште во чиј дом беше најдена дрога, денеска судија во претходна постапка му одреди мерка притвор во времетраење од 30 дена.

При претрес со судска наредба, извршен вчера од 19.00 до 21.00 часот, во домот и помошните простории на Ќ.Е. (69) во Доброште, биле пронајдени и одземени кокаин, марихуана, таблети екстази и дигитална вага. Тој беше приведен и задржан во Полициската станица Тетово за документирање на случајот, по што денеска со соодветен поднесок, по член 215 од Кривичниот законик беше изведен пред судија на претходна постапка во Основниот суд Тетово – информира портпаролот на СВР Тетово, Марјан Јосифоски.

По одредувањето на притворот, осомничениот е спроведен во Казнено поправната установа Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.