Во Светиниколскиот регион синоќа беа откриени две групи на мигранти. Портпаролот на СВР-Штип, Гордана Панајотова соопшти дека синоќа во 22 часот на регионалниот пат Штип – Кадрифаково, полициски службеници од Полициската станица за безбедност на патниот сообраќај Штип затекнале четири лица мигранти од Мароко.

Вториот случај е откриен во 22.10 часот во село Горобинци, светиниколско, каде што полициски службеници од Полициската станица Свети Николе затекнале девет лица мигранти од Пакистан, од кои четворица се малолетници.

Полициските службеници ги предале лицата во Прифатниот транзитен центар „Винојуг“ Гевгелија за понатамошна постапка.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.