Двајца жители на тетовското село Брвеница се приведени откако во нивните домови се најдени дрога и оружје. Полициските службениците претресите кај нив ги направиле врз основа на судска наредба.

Вчера во тетовска Брвеница, полициски службеници од СВР Тетово, врз основа на судска наредба, извршиле претрес во дом и помошни простории на Т.Ј (70) и Д.Ј (47). При претресот кај Д.Ј. биле пронајдени и одземени неколку кеси со марихуана, ловечка пушка калибар 12мм, воздушна пушка и повеќе од 40 куршуми различен калибар, додека кај Т.Ј. биле пронајдени и одземени четири куршуми, исто така, од различен калибар, информира Марјан Јосифоски, портпарол на СВР Тетово.

Двајцата биле лишени од слобода и задржани во полициска станица, а по целосно документирање на случајот против нив ќе бидат поднесени соодветни пријави.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.