Обвинителството побара, а судот донесе решение и го прифати барањето за нови 30 дена притвор за Бојан Јовановски Боки 13 и Зоран Милески Кичеец кои се осомничени во случајот „Рекет“.

Тие се товарат за примање награда за противзаконито влијание, а Боки и за перење пари. Истрагата за случајот е во тек и се очекува дали ќе има нејзино проширување. Денеска повеќе од 5 часа се сослушуваше обвинителката од СЈО Лиле Стефанова, која за медиумите не сакаше да даде детали. Рече дека останува на писмената изјава од петокот. Вчера исказ даде нејзината колешка и заменичка на Катица Јанева, Елизабета Јосифоска. На распит треба да се појави и Јанева, но таа наводно сѐ уште не примила официјална покана.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.