Затвореникот од Истражниот затвор што починал денеска бил зависник од дрога и не покажувал знаци на ковид 19. Како што рече директорот на Здравствениот дом – Скопје, Виктор Исјановски во вечерашното гостување на „Топ тема“, се работи за млад човек на кој му била ординирана и терапија поради нарко-зависноста, а смртта му е констатирана попладнево, околу 14:30 часот.

Во разговор со лекарот на затворот од Шутка ми беше предочено дека лицето не покажувало никакви знаци на ковид 19. Во текот на денешниот ден, при последната проверка во 14 часот не се пожалил, дури бил и весел. Потоа заминал на попладневен одмор и од затворските служби било констатирано дека починал. Повикана е Итната медицинска помош која исто така констатирала смрт, а телото на починатиот е однесено во Институтот за судска медицина. Од штурите податоци што ги имам, се работи за зависник, претежно од кокаин. Бил виден од психијатар на крајот од февруари и му е ординирана терапија. Тоа се сите информации што засега ги имаме. Јас сметам дека не се работи за ковид, туку за нешто друго, истакна Исјановски.

Според директорот на Центарот за јавно здравје, Арбен Зибери, засега брис од починатиот затворебник не е земен.

Не е постапено од екипите на Центарот за јавно здрваје, но сигурно ќе се земе брис при обдукција во Судска медицина, а ќе се однесе и на испитување во Институтот за јавно здравје, истакна Зибери.

Зибери напомена дека досега, од почетокот на панедмијата, скоро сите 3.000 брисеви во Скопје се земени од страна на Центарот за јавно здравје, вклучувајќи го и првиот случај на дијагностициран/починат во затворот Шутка.

Претходно директорот на КПУ Затвор – Скопје, Есад Рахиќ соопшти дека се работи за 23-годишно момче, кое било во притвор од декември минатата година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.