Товарен и патнички воз вечерва се судрија во околината на Новска, во Хрватска.  Дневник.хр јавува дека има повредени, но и загинати.

Како што неофицијално дознаваат медиумите патничкиот воз поминал на црвено светло и удрил во товарен воз, кој стоел.

Според првите неофицијални информации загинале машиновозачот и кондуктерот.

Околу 21 часот и 35 минути е добиена пријава дека патнички воз удрил во запрен товарен воз во градот Рајиќ. Сите служби за итни случаи се на терен и им помагаат на повредените, известуваат од полициската управа на сисачко-мословачката жупанија.

На местото на несреќата се упатил премиерот Андреј Пленковиќ и голем број министри.

Повеќе и поопштирни инормации се очекуваат подоцна.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.