Во првите седум месеци од годинава на грчко- турската копнена и морска граница биле уапсени вкупно 386 криумчари на нелегални мигранти и вкупно 7.484 странски државјани за нелегален влез во Грција, соопштија денеска од грчката полиција, јави дописничката на МИА од Атина.

Од вкупниот број уапсени, 312 криумчари се во регионот на Еврос, а повеќе од половина односно 219 криумчари биле уапсени во последните три месеци (од мај до јули).

Од мај до јули годинава имало за 113,1 отсто повеќе случаи на нелегален влез на мигранти во Грција во споредба со истиот период лани, односно 4.126 наспроти 1.936 мигранти.

-Вкупно, во првите седум месеци од 2022 година, за нелегален влез во земјата беа уапсени 7.484 странски државјани, од кои 3.554 во регионот на Еврос, соопштија од грчката полиција.

Неофицијално, во текот на ноќта, во јужниот дел на грчкиот остров Китира, со чамец пристигнала група од околу 100 мигранти.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.