Претседателот на Србија, Александар Вучиќ, денеска во Сараево предаде контингент од 5.000 вакцини на компанијата „АстраЗенека“, што Србија и ги донира на Босна и Херцеговина.

На сараевскиот аеродром Бутмир, Претседателот на Србија беше пречекан од Претседателот на Претседателството на БиХ Милорад Додик и бошњачкиот член на Претседателството Шефик Џаферовиќ.

Беше најавено дека Вучиќ ќе биде пречекан на аеродромот од комплетното претседателство на БиХ, но присуството на хрватскиот член Жељко Комшиќ изостана.

Во пресрет на заминувањето, Вучиќ за сараевските медиуми изјави дека е многу среќен што може да дојде во Сараево и да ги донесе првите дози на вакцини.

Тоа се вкупно 10.000 дози. Утре 5.000 дози, а за неколку дена уште 5.000 дози. Мислам дека тоа е особено важно за здравствените работници кои работат во зоната на црвената коска во БиХ. Мојата порака е дека мора да се свртиме едни кон други, да не сметаме дека сите други ни се поважни и дека е важно колку лошо ќе кажеме за оние кои се најблиску до нас, истакна претседателот на Србија.

Тој претходно зборуваше за балканските народи кои според него имаат голема сила и моќ кога се обединети.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.