Кандидат на Српската напредна странка (СНС) на престојните претседателски избори во Србија. закажани за 3 април, ќе биде лидерот на партијата, Александар Вучиќ, што тој денес и го прифати на седница на претседателството на СНС, јави диописникот на МИА од Белград.

-СНС донесе одлука да го кандидра Александар Вучиќ за претседател на Србија на изборите на 3 април, соопшти премиерката Ана Брнабиќ, после седница на Претседателството на СНС.

Брнабиќ кажа дека Вучиќ е кандидат и на коалицијата „Александар Вучиќ, заедно можеме се“.

Кандидатурата на Вучиќ ја подржаа и Социјалистичката партија на Србија (СПС) на Ивица Дачиќ, Единствена Србија и Сојузот на војводинските Унгарци (СВМ).

-Како и да свртите изборите нема да бидат лесни, особено во вака тешки времиња. Затоа ни е драго што наш кандидат е Вучиќ, порача Брнабиќ.

Таа најави дека кампањата ќе почне на 7 март во Лесковац и дека ќе биде фокусирана на „визијата на Србија во следните пет години“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.