Претседателот на Србија, Александар Вучиќ, во интервју за телевизијата „Хепи“ рекол дека не постои ниту едно решение за Косово и Метохија ако истото не биде прифатено од мнозинството Срби, пренесува агенцијата Танјуг.
Тој додал дека во моментов не се разговара за никакво решение, затоа што нема ни разговори меѓу Белград и Приштина.

Тоа го кажав стотина пати. Нема да си играм како во Македонија со консултативен референдум на кој народот вели дека е ‘против’, а вие во Собранието сепак гласате ‘за’. Мислам дека е добар договор за нив, го поздравив, но начинот на кој тоа е изведено, јас никогаш не би го направил, рекол Вучиќ за „Хепи“.

Тој додал дека кога референдумот нема да успее, може само да се констатира дека референдумот не успеал и демократски тоа да ѝ се соопшти на јавноста.

Ако во Србија постои каков било референдум, да добиевме 49 отсто, а другата страна 54 отсто, мое е да поднесам оставка и да кажам дека референдумот во согласност со Уставот и законите не успеал, граѓаните се одлучиле за друга опција, рекол Вучиќ.

Српскиот претседател истакна дека народот е носител на врховниот суверенитет и не може да се оди против народот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.