Според Националниот институт за јавно зравство на Косово (ИКШПК), од вчера извршените, рекордни досега, 1.245 тестирања со методот РТ-ПЦР (83.923 од појавата на епидемијата) коронавирусот е откриен кај 159 лица, со што вкупната бројка на заразени од почетокот на епидемијата се искачи на 17.422.

Втор ден по ред во Косово не е забележан ниеден смртен случај на заразен од Ковид-19, така што бројот на жртви на епидемијата останува 657.

Во дневниот извештај на ИКШПК се наведува дека, вклучително вчерашните 58 излекувани, болеста досега ја совладале вкупно 14.894 лица.

Согласно официјалните статистики на косовските здравствени власти, во земјата моментално има 1.871 активен носител на вирусот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.