Маж заразен со корона вирус избегал во понеделникот од Клиниката за инфективни болести „Д-р Фран Михалјевиќ“ во Загреб, а само еден ден подоцна почина во станот на неговата мајка во областа Самобор.

Како што пишуваат хрватските медиуми, човекот бил сѐ уште жив кога амбулантната кола со полиција провалила во станот. Лекарите веднаш започнале со реанимација, која траела дури 35 минути, но на мажот му немало спас.

Полицијата потврди дека реагирала на извештајот на болницата за самоволно заминување на пациент кој претходно бил поврзан со кислород, но во моментот на откривањето, во рок од 24 часа, лицето починало „во приватен простор во Самобор“.

Тој е 53-годишен маж кој беше активен спортист и тренер по аикидо. Не е познато каде и кога се заразил со корона вирус, но неговата состојба се влошила по што морал да биде поврзан со кислород. Наводно, на мажот му било речено дека ќе мора да биде ставен на респиратор, што кај него предзвикало огромен страв и затоа решил да побегне од болницата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.