Кампањата за претседателски избори официјално почнува денеска во Хрватска, откако Државната изборна комисија напладне ќе го објави списокот со кандидати.Претседателските избори во Хрватска се закажани за 22 декември.

Потписи за поддршка беа поднесени од 12 кандидати, а Слободан Миџиќ, кој поднесе само еден потпис за поддршка до ДИК (само својот потпис), наместо 10.000, нема да биде во трката.

Другите кандидати се Колинда Грабар-Китаровиќ, Зоран Милановиќ, Мирослав Шкоро, Мислав Колакушиќ, Катарина Пеовиќ, Далија Орешковиќ, Дејан Ковач, Иван Пернар, Дарио Јуричан (Милан Бандиќ), Анто Ѓапиќ и Недеjко Бабиќ.

Иако кампањата официјално започнува денеска, таа практично трае од летото оваа година, а според Јутарњи лист, најмногу пари во таа цел троши сегашната претседателка, Колинда Грабар-Китаровиќ, потоа Мирослав Шкоро и Зоран Милановиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.