За помалку од еден час, кусо по полноќ, во Грција беа регистрирани четири земјотреси со јачина од 4 до 4,8 степени според Рихтеровата скала, согласно податоците од Геодинамичкиот институт на националната опсерваторија, јави дописничката на МИА од Атина.

Епицентарот на сите земјотреси е во близина на градовите Егио и Нафпактос во западниот дел на Грција.

Првиот земјотрес од 4,8 степени беше регистриран неколку минути по полноќ, а според грчките медиуми, во околните области имало лизгање на земјиштето и мала материјална штета, а дел од жителите на градот Нафпактос ноќта ја поминаа надвор, на отворено.

Освен земјотресите од над 4 степени, биле регистрирани и над 30 помали земјотреси со ист епицентар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.