Три лица загинаа синоќа во пукање што се случи околу 19 часот во близина на селото Глоѓане во општина Дечани на Косово и Метохија.
Потврдено е дека во престрелката животот го загубил возачот на автобусот Гани Ѓокај, како и учениците од село Глоѓане – девојчето Л.Х.(19) и момчето Ѓ.М.(17), инаку ученици во средно медицинско училиште.

Од девојчето на Фејсбук се простил класниот раководител.

„Проклет да си, криминалецу, кој го уби мојот ученик. Сочувство до семејствата на сите убиени вечерва“, напиша таа.

Портпаролот на полицијата за регионот Пеќ, Фадил Гаши, изјавил дека во автобусот во моментот на пукањето имало осум патници, јавува „Клан Косова“.

Ранетите патници се префрлени во болницата во Пеќ, но од здравствената установа не соопштуваат колку лица се повредени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.