рногорската полицијата синоќа во Котор го уапсила наводниот водач на криминалниот Кавачки клан, Слободан Кашчелан, пренесува весникот „Вијести“ од Подгорица.

Според весникот, повикувајќи се на неименуван извор вклучен во истрагата, Кашчелан бил уапсен под сомнение за организирање криминална група, која извршила и планирала неколку тешки кривични дела, за кои му се заканува казна и до  40 години затвор.

Изворот на „Вијести“ додава дека во акцијата на полицијата се уапсени уште најмалку четири други лица. Кашчелан и тројца членови на неговата криминалната група биле уапсени во Котор, додека еден бил уапсен во Плевље.

Кашчелан во полициските архиви е регистриран како еден од водачите на Кавачкиот клан, заедно со Радоје Звицер.

Управата на Црногорската полиција синоќа не даде официјално соопштение за деталите за апсењата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.