Грчката полиција соопшти дека во четвртокот бил уапсен 27-годишен странски државјанин кој пред точно една година од продавница за часовници во центарот на Атина, украл 38 скапи часовници во вредност од 439 600 евра.

Според грчките медиуми, станува збор за државјанин на Молдавија, а украдените часовници биле марка Ролекс.

При претресот во домот на уапсениот биле пронајдени и запленети 34 од 38-те украдени часовници, но и пиштол, куршуми и ножеви.

Како што соопштија од грчката полиција, на 17 декември 2018 година, непознат сторител, а сега веќе уапсениот, преправајќи се дека е клиент, влегол во продавница за часовници во Атина, на вработените и на обезбедувањето им се заканил со оружје и ја принудил одговорната во продавницата да му даде 38 брендирани часовници во вредност од 439.600 евра.

Полицијата трага по братот на уапсениот, за кој постои обвинение дека бил соучесник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.