Грчкиот премиер Киријакос Мицотакис и неговата сопруга Марева вчера се сретнале со двајца нови грчки државјани, славниот актер Том Хенкс и неговата сопруга Рита Вилсон.

Мицотакис објави фотографија на својот профил на Инстаграм, на која Хенкс и Вилсон ги покажаа своите новостекнати грчки пасоши.

 

View this post on Instagram

 

@ritawilson @tomhanks are now proud Greek citizens! 🇬🇷👍

A post shared by Kyriakos Mitsotakis (@kyriakos_) on

Рита Вилсон и Том Хенкс сега се горди грчки граѓани, напиша Мицотакис.

Средбата се одржала на островот Парос, пренесува Катимерини.

Вилсон, која делумно има грчко потекло, и Хенкс долго време поседуваат куќа на блискиот остров Антипарос.

Љубовта на славниот актер за Грција е добро позната. Тој премина во православие пред да се ожени со грчко-американската актерка Рита Вилсон (чија мајка била Гркинка) пред повеќе од 30 години и со децении редовно ја посетува Грција.

Грција е прибежиште. Патував низ целиот свет, бев на најубавите места, но ниту едно од нив не е како Грција, рече славниот оскаровец.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.