Роберто Матеш е 47-годишен полициски инспектор во пензиј, како и поранешен хрватски бранител. Балканот, пак, ќе го запамети како таткото кој веќе со денови кампува пред болницата каде лежи неговиот син, само за тој да знае дека неговиот татко е тука.

Седумгодишниот Шимун од понеделникот е хоспитализиран во болницата во Пакрац, Хрватска, поради коронавирус. Според протоколот, на родителите им е дозволено да ги посетат своите деца само 15 минути во текот на денот.

Затоа Роберто го постави својот шатор пред болницата и секогаш е тука кога Шимун ќе го повика да си прават муабет преку токи-воки.

Не протестирам, само сакам да сум што поблиску до моето дете, за да му го олеснам секојдневието. Секогаш кога ќе ме побара, се смирува, бидејќи знае дека сум тука, Нервозата и стравот веднаш му поминуваат, а и мене ми е полесно, раскажа таткото за хрватсите медиуми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.