Европскиот суд за човекови права донесе пресуда со која се утврдува дека се несоодветни условите на затворениците во затворот во Загреб, кои достигнале ниво на „понижувачки третман“.

Судот во Стразбур заклучи дека поднесувачот на тужбата Душан Улемек во одредени периоди од издржувањето на казната имал на располагање помалку од три „квадрати“ личен простор.

Тие, исто така, потсетија дека загриженоста за условите во затворот во Загреб била изразена во нивните извештаи од страна на хрватскиот Уставен суд, но и од јавниот правобранител и Европскиот комитет за спречување тортура и нечовечно или понижувачко постапување или казнување.

Судот му додели на оштетениот сума од илјада евра во однос на нематеријална штета и 2.890 евра за трошоците на постапката.

Оваа пресуда сè уште не е конечна и ќе стане доколку ниту една од страните во постапката во рок од три месеци од денот на објавувањето на пресудата не поднесе барање за нејзино преиспитување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.