Пожарот што го зафати словенечкиот регион Крас, што се наоѓа на границата со Италија, досега зафати повеќе од 2.000 хектари и тоа е најголем пожар во Словенија.

Пожарот пред два дена се прошири од Италија, а синоќа беше ставен под контрола, за денеска повторно да се активира.

Словенечката цивилна заштита нареди евакуација на околу 400 жители од трите села Војшчица, Теминца и Новел, иако огнот сè уште е оддалечен од населените места.

Словенечката армија на Твитер објави дека потрошила половина милион литри вода за гаснење на пожарот.

Oчевидци од Порторож за словенечките медиуми велат дека дел од туристите ги напуштиле вилите порано поради страв од пожар, смрдеата од горењето и зголемените штетни честички во воздухот.

Луѓето треба да ги ограничат своите активности надвор, што вклучува и пливање, предупредува словенечкиот институт за јавно здравје.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.