Припадници на српската полиција го заплениле автомобил „ламборџини“, по видеото на кое Урош Паниќ, син на Петар Паниќ, кум на српскиот претседател Александар Вучиќ, ја предизвикува полицијата да го запре со арогантно и диво возење низ белградските улици.

Нема место за арогантни, несовесни и насилни возачи на улиците. Министерството за внатрешни работи законски, решително и доследно во борбата против секаков вид загрозување на безбедноста на граѓаните, се наведува на официјалниот Инстаграм профил на МУП Србија.


Имено, Паниќ пред неколку дена објави видео на кое се слуша како се заканува и навредува припадници на МУП:

Нека дојдат со партнерите да ме бркаат, еве го на „Цар Душан“, Дорчол, нека дојдат да им покажам што е белградски фантом, се слуша како вели Паниќ.

Инаку Урош Паниќ е син на Петар Паниќ Пана, кумот на српскиот претседател Александар Вучиќ. Урош е познат по дивеењето низ белградските улици, несовесното возење и кршењето на сообраќајните прописи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.