По договорот постигнат вчера меѓу Србија и Грција, оваа јужна земја да биде отворена за српските туристи од средината на април со потврда за вакцинација или негативен тест за ПЦР, телефоните во туристичките агенции во Србија се вжештија.

Милан Лаиновиќ, сопственик на една од најстарите туристички агенции во Србија, за Курир.рс изјави дека сè уште постои голем интерес за Занзибар, Малдиви, Турција, Египет и Албанија, но дека многу луѓе се јавуваат да се распрашаат  и за Грција.

Она што особено ме радува е што некои луѓе не контактираа и рекоа дека сега ќе се вакцинираат за да можат да патуваат во Грција со нас! Значи, мислам дека ваквиот потег ќе го зголеми опфатот на вакцинацијата, бидејќи Грција сè уште е омилена дестинација на нашите туристи. Голем е интересот за Кефалонија, Скијатос, Крф, Парга, Лефкада, Крит и Родос, а на пример во Кефалонија можете да поминете 11 дена во апартман со авион, трансфер, водич и сè за 279 евра, додека за Крф тоа сето тоа чини 270 евра – вели Лаиновиќ и потврдува дека предност имаат оние туристи кои не ги користеле патувањата минатата година.

И тие ни се јавуваат во голем број, тие ќе имаат првенството и сега работиме на промена на нивниот датум на патување и промена на некои ситници за се да им одговара. Државата направи голем потег со овој договор со Грција – вели тој на крајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.