На седницата на Кризниот штаб на Србија, одлучено е годинешниот зимски распуст за учениците да почне на 31 декември и да трае до 24 јануари, како што беше претходно планирано.

Ја разгледавме и зачестеноста, распространетоста и потенцијалните епидемиолошки компликации кога станува збор за новиот сој на корона вирусот. Донесена е одлука за примена на одредени мерки кога станува збор за патници во меѓународниот сообраќај – соопшти Дарија Кисиќ Тепвачевиќ по седницата на Кризниот штаб.

Таа изјави дека мерките се однесуваат за патниците кои доаѓаат од Јужна Африка, Малави, Мозамбик, Боцвана, Лесото, Намибија и Зимбабве.

Сите патници кои доаѓаат од овие земји, иако нема директни летови, но и кога ќе дојдат во транзит, ќе подлежат на мерки на аеродромот – ПЦР тест. Доколку се негативни, треба да бидат ставени во карантин 14 дена на местото на живеалиште во Србија, а по седум дена им се прави уште еден ПЦР и доколку се позитивни ќе бидат префрлени во соодветната ковид амбуланта или болница – изјави Кисиќ Тепавчевиќ.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.