Американскиот амбасадор во Грција Џефри Пјат е уверен дека Солун ќе има најголем бенефит од Преспанскиот договор. Пјат ова го соопшти за време на посетата на солунското пристаниште во вторникот.

Убеден сум дека најголемите бенефити од Преспанскиот договор ќе се почувствуваат овде, во Северна Грција, со враќањето на историската улога на Солун како главен град на Балканите, порта на Западниот Балкан кон глобалните пазари со солунското пристаниште како еден од главните елементи во тоа, ја пренесуваат грчките медиуми изјавата на Пјат.

„Заинтересирани сме за успехот и виталноста на солунското пристаниште бидејќи се поврзува со нашиот интерес за успешноста и виталноста на Северна Грција и регионите на Македонија и Тракија“, додаде амбасадорот Пјат.

Пјат го посети пристаништето за да ги проследи подготовките за заминувањето на 4-тата американска воена авијациска бригада која учествува во воени вежби заедно со грчките воени сили.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.