Активисти на вонпарламентарната Социјалдемократска партија на Косово (ПДС) фрлаа чоколадна торта и милкшејк кон вицепремиерот задолжен за дијалог со Белград, Бесник Бислими.

На социјалните мрежи е објавено видео од нападот на кое се гледаат активисти како фрлаат парчиња торта на Бислими пред влезот на зградата додека извикуваат „честитки за заедницата на српските општини“.

Торта и милкшејк за заедницата. Тие што го прифатија се радуваат! А ние, граѓаните на Косово, ќе се спротивставиме и масовно ќе бараме нивна оставка“, порачаа активистите.

Бесник Бислими е заменик на премиерот на Косово, Албин Курти, и еден од водечките луѓе на косовската страна во преговорите меѓу Приштина и Белград.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.