Од почетокот на месецов од цревни инфекции предизвикани од ротавируси во Црна Гора заболеле 38 лица, од кои дури 36 се деца на возраст од четири години, а најголем број од заразените се од Подгорица, Цетиње и Будва, соопшти Институтот за јавно здравје.

Цревните заразни болести поради високите температури, кои се погодни за развој на микроорганизмите, најчесто се јавуваат во летниот период.

Неколку граѓани изјавиле дека децата, кои престојуваат во будванската населба Бечиќи, се заразени со ротавируси, бидејќи дошло до излевање фекалии на плажата и шеталиштето, а тврдат и дека се инфицирале капејќи се во морето.

Од Институтот велат дека не може да се тврди оти се заразени поради капењето во море, бидејќи во Будва заболеле пет лица, колку и во Цетиње.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.