Во последните 24 часа, во Словенија се регистрирани само 24 новозаразени со коронавирус, а сите други показатели се многу добри, така што владата нема да ја продолжи состојбата на епидемија, која завршува во вторник, на 15 јуни.

Со 1.023 ПЦР тестови потврдени се 24 инфекции или 2,3 проценти. Седумдневната просечна инфекција за еден ден падна на 147, а четиринаесетдневната инциденца на 100.000 жители падна на 130.

Двајца пациенти со Ковид-19 починаа, соопшти Министерството за здравство.

Од почетокот на епидемијата, 4.406 луѓе починале од коронавирус, уште 134 пациенти се во болници, а 26,1 процент од населението е имунизиран со целосна вакцинација, објави Националниот институт за јавно здравје (НИЈЗ).

Владата најави дека по 15 јуни повеќе нема да ја продолжува состојбата на епидемија, што беше прогласена во вториот бран на 18 октомври, но некои епидемиолошки мерки ќе останат на сила.

Ограничувањата, како што е бројот на присутни во затворено, остануваат во сила, а условите за присуство на концерти и други настани остануваат негативен тест за коронавирус, Ковид-19 или целосна вакцинација.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.