Сите вработени во јавната администрација во Словенија кои не прележале коронавирус и кои не се вакцинирани, задолжително ќе мора да се вакцинираат против Ковид-19. Негативниот тест за коронавирус веќе нема да им биде доволен на државните службеници за да одат на работа, како за другите невакцинирани граѓани, одлучи словенечката влада доцна синоќа.

Секој државен службеник ќе треба да ја прими првата доза од вакцината до 1 октомври и втората до 1 ноември, освен ако не се одлучиле за вакцината на „Џонсон и Џонсон“ која обезбедува заштита по една доза.

Во Словенија на сила се заострени мерки, според кои за одење на работа, за возење во јавен превоз, за посета на трговски центар, банка или пошта потребна е потврда за вакцинација или негативен тест.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.