САД ја известија Хрватска дека рокот за набавка на борбени возила од типот „Бредли“ истекува во јануари следната година.

Понудата на САД доставена до Хрватска се состои од купување на 84 борбени возила со кофинансирање на набавката, помош во обуката и одржувањето на возилата, како и надградба на домашната компанија „Ѓуро Ѓаковиќ“.

Програмата за набавки на Бредли и ја нудиме на Хрватска од 2017 година. САД и даваат на Хрватска 45 милиони долари за да помогнат во финансирањето на програмата, а ние ја продолживме понудата колку што е можно повеќе. Нема да има дополнителни продолжувања по јануари 2022 година – соопшти Американската амбасада во Загреб, пренесуваат хрватските медиуми.

Пред две недели, Кабинетот на претседателот на Хрватска излезе со соопштение во кое се нагласува дека модернизацијата на Хрватската копнена војска (ХКоВ) е од стратешко значење за Република Хрватска како најголема и најважна гранка во одбранбениот систем и дека без опремување и модернизирање на хрватските вооружени сили нема долгорочно зголемување на одбранбените капацитети.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.