Ратко Младиќ е пренесен од хашкиот притвор во болница поради влошена здравствена состојба, соопшти неговиот син Дарко Младиќ.

Тој наведува дека Ратко имал тегоби и дека вчера бил пренесен во болница.

„Тој комуницира. На мајка ми првично ѝ рекле дека не е ништо страшно, но дека ќе го задржат на прегледи. Сè уште немаме извештај што се случува“, рекол Дарко.

Младиќ со првостепена пресуда е осуден на доживотен затвор за геноцид во Сребреница, прогон на Босанци и Хрвати од БиХ, тероризирање на населението во Сараево и заложништво на припадници на УНПРОФОР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.