Според последните податоци, коронавирусот во Србија вчера е потврден кај 6.697 лица од направени 23.474 теста, а починале 63 пациенти. Во болница се 6.792 пациенти, од кои 275 се на респиратор, така што епидемиолозите ситуацијата ја оценуваат како многу сериозна.

Расте и бројот на деца со ковид -19 кои се со потешка клиничка слика.

Раководителката на педијатрија во Здравствениот дом Палилула, д-р Анета Јовановиќ, за РТС вели дека од минатиот месец е зголемен бројот на прегледи во детските клиники за ковид. Поради тоа ќе се продолжи есенскиот распуст во училиштата, за да се прекине синџирот на пренесување на коронавирусот.

Децата треба да имаат одмор од четири дена, плус викенд, но најверојатно таа недела ќе ја поврземе и ќе биде вкупно девет дена, најави министерот за здравство.

Епидемиологот и член на Кризниот штаб Бранислав Тиодоровиќ за РТС изјави дека членовите на медицинскиот дел на Кризниот штаб сè уште веруваат дека не е доволно сертификатот за ковид да важи само од 22 часот, туку 24 часа и да важи во сите затворени просторите, освен во аптеки, бензински пумпи и намирници.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.